CBI-in an hotu hlui lakah FIR ziak lut

Central Bureau of Investigation (CBI) chuan CBI director hlui chu Ranjit Sinha chu coal block scam chhuinaa inrawlhah puh a nih avangin a lakah FIR an ziaklut.

Tun ṭum hi CBI-in an director hlui thubuai a siamsak vawi hnihna a ni.

Kumin February thla khan CBI hian director hlui AP Singh chu sa thawnchhuaktu, Moin Qureshi laka duhsakna hleihluak taka lantirah puhin thubuai a lo siamsak tawh bawk.

Supreme Court hnuaia member pathumna, Justice Madan B Lokur kaihhruai bench chuan Sinha hi CBI director a nih laia a thuneihna dik lo taka hmangah a puh. Sinha hi kum 2012-2014 inkar khan CBI director a ni a, hetih hunlai hian dik lo taka lungalhthei laihchhuah phalna pek anih dan chungchang chhuinaah a inrawlh nia puh a ni. Sinha hian coal scam-a inhnamhnawih senior politician leh sumdawng liante a lo hmu tawh a, ama chenna inah meeting-te a neihpui nia sawi a ni.

January 23 khan Supreme Court chuan CBI hnenah Sinha chhui chiangtu tur Special Investigation Team (SIT) din tur hian alo hriattir tawh a ni.