Chennai-ah AIADMK hruaitu Dinakaran-a hruai

Delhi Police-ten Election Commission official-te tham tuma puh man, Tamil Nadu-a rorellai AIADMK hruaitu TTV Dinakaran-a chu an man hnuah Ningani khan Chennai an panpui.

Police-te hian Chennai an thlenpui hnuah Dinakaran leh a thawhpui, Mallikarjuna in chu an dapsak nghal a ni. Thil man an neih leh neih loh erawh puanzar a ni lo.

Dinakaran leh MallikarJune-te bakah, Chennai aṭanga Delhi-a pawisa thawn chung­changa inhnamhnawiha puh pawh thu zawhfiah an ni.

Delhi Police-te chuan April 25 zan khan Dinarakan hi an man a, hemi hma hian AIADMK pawl pahnihin an party symbol an inchuh chungchangah EC official-te thamna pek tuma puh anih vangin ni li zet thu an lo zawtfiah tawh a ni. Police-te chuan Dinakaran-an thamna sum pe tura a chhawr, Sukesh Chandrasekhar pawh a man tawh a, an kut aṭang hian cheng vaibelchhe 1.30 bakah luxury car pahnih an man tel a ni.