LS by-poll-a duty turin sipai 74,000 dil

Election Commission chuan May 25-a Jammu and Kashmir-a Anantnag-a Lok Sabha by-poll neih turah sipai 74,000 duty-tir turin a dil.

Commission hian Home Ministry hnenah dilna hi thlenin, sipai company 740-te chu May 12-ah duty tura tirchhuak turin a ngen a ni. Company pakhatah hian sipai 100 vel zel an awm a ni.

By-poll neih tura duty tur hian Commission chuan sipai 30,000 a lo dil tawh a, mahse April 9-a Srinagar-a inthlan neihnaah khan buaina nasa tak a chhuak a, hei vang hian a dil belh a ni. Srinagar-a buaina chhuak vang hian April 12-a Anantnag by-poll neih tur chu May 25-ah sawn a nih phah bawk a ni.

Dan pangngaiah chuan inthlan lai hian sipai hi company 10 vel duty tir an ni ṭhin. Mahse buaina chhuah hlauhawm zualna hmunah erawh chuan dah belh tura dil ṭhin a ni. Home Ministry chuan Anantnag biala sipai duty tur dah belh tura Commission ngenna hi chawpchilh taka ngaihtuah a har thu leh, hun pe tura a duh thu a sawi.

Home Ministr hnuaiah hian paramilitary force hi nuai 10 vel an awm mek a, mahse ram chhung hmun hrang hrangah dah darh an nih avangin chawpchilh tak chuan EC mamawh zat ang hi pawhkhawma harsa dawn nia sawi a ni.