UP School-in CM Yogi sam meh dan entawn tir turin hriattir

Uttar Pradesh-a Meerut-a Rishabh Academy School chuan an school-a zirlai mipate chu Chief Minister Yogi Adityanath-a lu meh dan anga mêt turin a hriattir a, hei hian zirlai nu leh pate a tithinur hle.

Rishabh Academy School hian CM thar, Hindu puithiam aṭanga politician-a inlet, Yogi-a lu meh dan anga met lo chu an school-ah kal chhunzawm an phal lo nia sawi a ni a, mahse school thuneitute chuan he puhna hi an pha thung.

Ningani khan zirlai nu leh pa lungawi lo te chu school-ah hian an pungkhawm a, police an inrawlh a ngai a ni. Zirlaite chuan school thuneitute chuan school-a sa lam chi ei pawh an khap niin an sawi bawk. School manager chuan zirlaite chu ṭha taka inchei tur leh, sam meh dan pangngai taka met tura hriattir an ni zawk niin a sawi. Sa lam chi ei khap chu a hma aṭanga kalpui a nih thu a sawi.