August 6-ah Vice President thlang dawn

Election Commission chuan India ram Vice President thar tur chu August 6-ah thlan a ni dawn tih a puang.

Vice President ni lai, M Venkaiah Naidu term hi August 10-ah a tawp dawn a ni.

Vice President 16-na tur hi Rajya Sabha member 233, nominated Rajya Sabha member 12 leh Lok Sabha member 543 awmna electoral college-in an thlang dawn a ni. Lok Sabha Secretary-General chu Returning Officer atan ruat a ni.

July 5-ah Vice President thar thlanna tura tan notification tihchhuah a ni ang a, inthlana chuh tumte tan July 19 thleng nomination paper a thehluh theih ang. July 20-ah enfiah niin, inhnuhdawk duh tan July 22 thleng hun hawn a ni. August 6-ah vote thlakin, a ṭul a nih chuan vote thlak ni hian vote chhiar nghalin result puan a ni ang.