Lord Rama hi Nepali a ni : Nepal PM

Nepal prime minister KP Sharma Oli chuan Thawhṭanni khan Hindu pathian, Lord Rama pianna chu an rama Ayodhya khuaah a nih thu a sawi a, Rama hi Nepali a ni tiin a sawi bawk. Oli chuan Lord Rama chu an rama Ayodhya khuaa Birgunj khawthlang lama awm Thori hmuna a pian thu a sawi a, hetih lai hian India chuan an ramah Lord Rama hi a piang niin an sawi, a ti. 

"Lord Rama pianna hmun dik tak chu Thori hi a ni. India-ah Lord Rama pianna hmun Ayodhya chungchangah inhnialna a awm a, keini ramah chuan a awm ve lo," tiin Oli chuan a sawi. BJP national thupuangtu Bizay Sonkar Shastri chuan Oli thusawi hi India-in a pawm loh thu a sawi. India chuan Lord Rama hi Uttar Pradesh-a Sarayu lui dunga khaw awm Ayodhya khuaa Babri Masjid hmuna piang niin a chhal thung.