AIADMK hruaitu thu zawtfiah

Delhi Police Crime Branch chuan Tamil Nadu-a rorellai, AIADMK hotu TTV Dinkaran-a chu Election Commission official-te thamna pek tuma puh a nih chungchangah Pathianni khan thu an zawtfiah.

Kar kalta Inrinni khan Crim Branch hian AIADMK Deputy General Secretary hi darkar sarih chhung thu an lo zawtfiah tawh bawk a ni.

AIADMK hotu lu ber, jail-a tang mek VK Sasikala-i vahpa, Dinakaran-a hian AIADMK hnuai­a pawl pahnih awmten an party symbol an inchuh chung­changah a changtu zawk nih tuma election commission official thamna sum pek tumah puh a ni. Thamna pek a tumna kawnga a michhawr, Sukesh Chandrasekhar pawh man a ni tawh a, a kutaṭang hian pawisa fai tam tham tak leh luxury car pahnih man a ni. Chandrasekhar hian election official hmuh a nei hman em tih te chhui a ni a, a mobile phone-a a call log, whatsapp message leh SMS te pawh enfiah mek a ni.

Dinakaran-a hian Chennai lamah pawh buaina hmachhawn tur a nei mek bawk. AIADMK huaia pawh hnihte chuan in­chhunfin an tum a, an lam-

ṭang hruaitute chuan Dinakaran leh a ni, VK Sasikala-i te hi party hruaitu an nihna hlihsak an tum bawk. Nimin aṭang khan Sasikala-i leh Panneerselvam-a lamṭangte chu inchhunfin dan tur ngaihtuahin an inbe ṭan bawk.