Bawng chhinchhiahna siam rawt

Sorkar laipui chuan India ram chhunga bawngte chu aadhar ang chi chhinchhiahna siamsak vek a rawt.

He rawtna hi sorkar laipui chuan Supreme Court-ah a thehlut a ni.

Supreme Court-a rawtna thehluhah hian, ram­chhunga bawng leh a no te chu an awmna chin chhui chhuah an nih zung zung theih nan Unique Identification Number pek vek ni rawh se’ tih thlen a ni. Sorkar laipui chuan bawngpui, a hnute sawr theih tawh loh chin enkawlna bik siamsak pawh a rawt bawk.

Report-ah hian bawng humhalh a ṭul zia te, India-Bangladesh ramri kaltlanga bawng tawlh ruk a nih ṭhin dante an tarlang a ni. He rawtna hi Home Ministry-a Joint Secretary kaihhruai committee-in thurawn a pek behchhana siam a ni.

Rawtna thehluhah hian ram chhunga district tinah bawng chhawr theih tawh loh 500 chin tal enkawlna tur hmun siam ni se tih a ni a, he hian bawng tawlh ruk ṭhin pawh a tihtlem phah dawn niin a tarlang.