RJD hotu Lalu Yadav ICU-ah dah

Rashtriya Janata Dal (RJD) president leh Bihar chief minister hlui, Lalu Prasad Yadav chu nimin khan Patna-a private hopsital ICU-ah dah luh a ni.

Lalu Prasad Yadav hi Pathianni khan step-ah lumin a dar a tina a, hei bakah hian na dang eng emaw a neih tel avangin damdawi-inah hruai a ni a, ICU-ah dah luh a ni tih hospital official chuan a sawi. A dinhmun hi enfiah mek a ni a, Delhi lamah refer a ni dawn em tih erawh an la sawi theih loh thu a tarlang.

RJD hotu hian chief minister a nih laia ranchaw man tihchingpen thubuai eng emaw zat neiin, a thubuai ṭhenkhatah hian thiam loh chantir a ni tawh. Mahse a kal thlak a ngaih avangin thla hmasa khan Jharkhand High Court chuan ram pawn lamah zinchhuah a phalsak a ni.