Yogi-a’n an state kawngpuia khuar tihbo vek tiam

Uttar Pradesh Chief Minister Yogi Adityanath-a chuan an state chhung kawngpuite chu khuar awm lohna hmunah siam vek a ni dawn tih sawiin, he hna tihlawhtling tur hian June 15 thleng hun a tiam.

CM Adityanath-a chuan state chhunga district headquarter tin chu power supply 24 hour pek a tiam bawk.

Yogi Adityanath chuan sorkar hmasa, Akhi­lesh Yadav-a kaih­hruai Samajwadi Party sor­kar chu sawiselin, SP sorkar hnuaiah Uttar Pradesh chhinchhiahna chu kawngpuia khuar tam lutuk leh, tlai lam alo nih a power supply awm loa thim ṭhuap ṭhin a nih thu a sawi. Hetih lai hian CM hlui Akhilesh Yadav-a chuan assembly inthlan dawn a campaign-naah a kaihhruai sorkar chuan state kawngpuite chu an siamṭha tawk hle tih sawiin, PM Narendra Modi pawhin an kawngpuite chu rawn zawh se chuan SP chu a vote ve ngei tur thu a lo sawi tawh a ni.

Uttar Pradesh-a district headquarters 75-te chu chhun zan zawma electric eng pek an nih tur thu CM chuan a sawi a, tehsil-te chuan ni khatah electric eng darkar 20 leh rural area-te’n darkar 18 chhung an hmuh tur thua sawi bawk. BJP hian inthlan dawna a campaign auhlaah state pumah power supply chhun zan zawma pek a tiam a ni.