Chhattisgarh : Maoist hluarna bialah ROP duty titawp

Chhattisgarh-a Sukma hmunah kar kalta khan Naxal helhoin Central Reserve Police Force (CRPF)-te lambunin, sipai 25 an kaphlum a, he thil thlen hnu hian Maoist hel ho hluarna biala security force-te’n Road Opening Party (ROP) duty an neih chu tihtawp vek a ni.

Special Director General of Police DM Awasthi chuan kar hnih chhung atan Bastar bialah ROP duty chu ti htawp vek a nih thu a sawi a, helho laka beihpui thlak chu an ngai pawimawh hmasa rih dawn tih a sawi.

Bastar-a ROP duty tur hian sipai 5-7 vel nitin dah an ni ṭhin a, Bastar biala district pasarih-ah hian sipai 30,000 dah mek an ni.

Sukma-a inlambunna a thlen lai khan 74th CRPF Battalion chu kawng siam lai vening ROP duty atan hian dah an nih thu, CRPF Depurty Inspector General (DIG) DP Puadhyay chuan a sawi. Naxal hoin an beih lai hian ROP duty hi sipai 90 vel an ni.