ED-in Chinese company nena inzawm hmun 40 an dap

Enforcement Direcorate (DA) chuan nimin khan Uttar Pradesh, Madhya Pradesh, Bihar leh state dang ṭhenkhatah Chinese mobile company Vivo leh Chinese firm dang nena inzawmna nei hmun 40 chu money laundering case kaihhnawihah an dap.

Central Bureau of Investigation (CBI) pawhin hemi chungchang hi a chhui mek a, a hranin FIR pawh an ziaklut tawh bawk.

Kumin April thla khan ED chuan Foreign Exchange Management Act hnuaiah Xiaomi Technology India Private Limited bank account-a Rs vbc 5,551.27 chu company-in dan kalhin sum a pe chhuak nia puh chungchangah a lo hrensak tawh bawk. Hemi chungchangah hian company chuan thuchhuah siamin, sorkar thuchhuak pawh uluk taka an zirchian thu leh, an sum pek dan leh bank statement an siamte pawh dan ang thlap leh dik taka an tih thu a sawi thung. Inhriatthiam lohna awmte chu siamṭhat tumin sorkar lam thuneitute thawhpui an inhuam thu pawh an sawi a ni.

March 3 khan Income Tax Department chuan telecom product lam buaipuitu, Chinese firm hmunte an dap thu leh, company-te hian chhiah awl tumin receipt lem an hman thute an sawi. An chhuizuinaah firm eng emaw zat hian income tax an pek tur tihtlemna atan an account-te an siam danglam niin an tarlang.