Congress UP civil poll party malin chuh dawn

Uttar Pradesh assembly inthlanah Congress party leh Samajwadi Party thawkdun chu an beisei angin an che ṭha lo a, civil poll neih tura party pahnihte hian thawhdun chhunzawm an tum tawh lo a, party malin inthlan hi an chuh tawh dawn.

Uttar Pradesh Congress Committee meeting-ah Congress party hian civil poll-ah party dang thawhpui an tum loh thu an sawi. He meeting hi Congress general secretary Ghulam Nabi Azad hoa neih a ni.

UPCC president Raj Babbar chuan party hruaitu tam zawk rilruah state mipuiten Samajwadi party hi an la ning nia hriatna a awm thu sawiin, he boruak hi assembly inthlan dawn pawh khan a awm a ni, a ti. SP nena an thawhdun khan party worker te pawh an khawr a, mahse tunah chuan party mala an chet tawh dawn avangin party vice-president Rahul Gandhi-a three-K formula chu chak taka an zawm tur thu a sawi. Level tinah an party thuam chak turin hma a la dawn tih Congress hruaitu chuan a sawi a ni.

Rahul Gandhi hian constituency tina an party tihchakna turin party hruaitute chu three-K formula ngai pawimawh turin a ti a, chungte chu Karyakarta (worker), Karyalay (office) leh Kariyakram (programme) te an ni.