Hafiz Saeed ni 90 dang hren chhunzawm dawn

Kum 2008-a Pakistan firfiakten Mumbai khawpui an beihnaa mawhphurtu bera puh, Pakistan firfiak pawl Jammat-ud-Dawah (JuD) hotu Hafiz Saeed chu Pakistan sorkar chuan ni 90 dang house arrest-in a dah chhunzawm dawn.

Hafiz Saeed-a hi thla thum chhung atan pawn chhuak thei loa hren a ni tawh a, he hremna hi Pathianni zan khan a tawp a, mahse Pakistan-a Punjab sorkar chuan hremna hi thla thum dang atan a pawtsei leh a ni.

Kum 2008-a Mumbai khawpui beih a nih hnuah khan Saeed hi house arrest-a hren a ni a, mahse kum 2009 khan court chuan a chhuah zalen a ni. Mumbai beihnaa inhnamhnawih firfiakte hi Pakistan rama zalen taka an awm avangin sorkar laipui chuan man turin Pakistan sorkar hi a lo kar fo tawh a ni. Kumin January 30 khan Saeed leh an pawl hruaitu dang pali-te chu house arrest-a hren an ni. Hei hi US President thar Donald Trump-a sorkarin JuD leh an pawl hotu lakah hremna lekkawh a nih loh cuan Pakistan hi hrekah a vau vang nia sawi a ni.