UP CM-in zirtirtute thlalak tar a duh

Uttar Pradesh Chief Minister Yogi Adityanath-a chuan sorkar school-a zirna ṭha zawka kalpui a nih theih nan leh zirtirtute an kal ṭhat zawk nan, school bangah zirtirtute thlalak tar a duh thu a sawi. CM chuan zirtirtute thlalak tar a nih chuann zirlaiten zirtirtute zingah kal ṭha leh zirtirna pe ṭhate an enfiah thei ṭhin dawn niin a sawi a, he thutlukna hi Pathianni-a Gorakhpur-a meeting an neihnaah hian an rel a ni. CM chuan an state-a primary leh junior high school-a zirna tlahniam chu a vei thu sawiin, official-te chuan school-te hi suprise inspection an neih ṭhin tur thu leh, an zirna kalpui dante ennawn fo a nih tur thu a sawi.