Bihar-ah VIP light hmang lui la awm

Sorkar laipuiin May 1 aṭanga ramchhunga VIP light chhit khapna thupek a siam chuan zawm a hlawh ṭha hle a, hetihlai hian Bihar state-ah chuan nimin thleng khan officer leh politician zingah VIP light chhi lui an la awm.

India Today-in a enfiahnaah Patna-a Secretriat building bulah red beacon light vuahna motor eng emaw zat hmuh a la ni a, heng zinga a tam ber hi IAS officer-te vuah niin, Agriculture Department Principal Secretary Sudhir Kumar pawh light chhi zingah hian a tel.

Official motor-a VIP light invuahte hi endik an nih tih hriat a nih veleh an driver-te chu light hi lakthlak tir nghal a ni.