PM Modi thalak lem post vangin WhatsApp admin man

Karnataka-a WhatsApp group pakhat, Balse Boys tihah Prime Minister Narendra Modi-a thlalak siam danglam post a ni avangin member pahnih man an ni a, pakhat zawn mek a ni.

Police chuan group administrator, autorickshaw driver Krishan Sanan Thamma Naik pawh an man tel.

April 14 khan Anand Manunath Naik chu police hnenah kalin group lakah hian complaint a thehlut a, PM Modi-a thlalak chu zahmawh rawngkai leh mawi lo taka siam danglamin post a nih thu a sawi.

Complaint thehluh hnu hian group member Ganesh chu police station-ah thu zawhfiah tura koh a ni a, man a nih hnuah bail-a chhuah a ni. A hnuah group admin Naik chu man leh a ni a, member dang Balakrisha chu man tuma zawn mek a ni bawk.

PM thlalak siam danglam post vanga complaint an thehlutna WhatsApp group hi Karnataka-a Uttar Kannada district-a mipa hoin an siam a ni. Tun ṭum hi WhatsApp group-a thil mawi lo tak post vanga group admin man a nih vawi khatna a ni.

Tun hnaiah PM Modi-a constituency, Uttar Pradesh-a Varanasi-ah chanchin thar belhchian dawl lo leh video mawi lo tak takte WhatsApp group-ah post a nih chuan groud administrator chu jail-a tantir theih a nih tur thu sorkar thuchhuah chuan a lo tarlang tawh a ni.