Eiruk thubuaiah Income Tax Commissioner man

Central Bureau of Investigation (CBI) chuan nimin khan Income Tax Commissoner leh midang panga chu thamnaa laa puh chungchangah an man.

Income Tax Commissioner BB Rajendra Prasad hi corporate group pakhat aṭangin thamna cheng nuai 19 laa puh a ni. Prasad leh midang pakhat chu Vishakhaapatnam-ah man an ni a, midang pali-te chu Mumbai-ah man an ni thung. CBI chuan Prasad leh thamna pek chungchanga inhnamhnawiha puhte in an dapnaah hian pawisa faiin cheng vaibelchhe 1.5 an man nia sawi a ni bawk.