Bihar-ah ṭekin Mi 92 a deng hlum
Bihar-a district hrang hrangah ṭek tlain mi 92 a deng hlum tih Patna Disaster Management Department chuan a tarlang.
Ningani khan ṭekin mi a den hlum hi mi 85 nia sawi a ni a, mahse nimin khan state sorkar chuan mi dang pakua an thihbelh thu a sawi. Heng mite hi district 24-a mite an ni. Bihar chief minister Nitish Kumar chuan thi chhungte hnenah zangnadawmna cheng nuai 4 ṭheuh pek an nih tur thu a sawi.
Bihar state ṭhenawm Uttar Pradesh-ah pawh Ningani vek khan ṭek tlak vang hian mi 24 an thi ve bawk a, Lucknow-ah mi 12 an inhliam bawk a ni.
State pahniha thi zawng zawng hi 116 an ni a, mi 32 an in hliam bawk a ni. Bihar state Disaster Management Department chuan Gopalganj district-a casualty-ah enkawl lai mi 13 an awm thu a tarlang.