LPG cylinder man Rs 50-in tipung leh

Sorkar laipui chaun nimin khan eirawngbawlna gas, LPG cylinder man a tipung leh.

Domestic LPG cylinder, kg 14.2 man chu Rs 50-a tihpun a ni a, a rate tharah hian Dehli-ah cylinder bur khat hi Rs 1,053 a kai tawh a ni. Domestic cylinder, kg 5 man chu Rs 128-ah tihpun a ni bawk a, hetih lai hian kg 19 commercial cylinder man chu Rs 8.50-a tihhniam a ni ve thung.

Nikum July thla aṭang khan LPG man hi ṭum riat tihpun a ni tawh a, kuminah ṭum li tihpun a nihna a ni bawk. March 22 khan cylinder man hi Rs 50-ah tihpun a ni tawh a, May 7-ah Rs 50 bawk, May 29-ah Rs 3.50-ah tihpun a ni. Nimina a man tihpun thar lehna nen kumin March thla hnuah LPG cylinder punna hi Rs 153.50 a tling tawh a ni.