Kum tharah Delhi Shopping Festival buatsaih dawn

Delhi chief minister Arvind Kejirwal chuan nakkum, kum 2023 January 28 aṭanga February 26 chhungin 'Delhi Shopping Festival' an buatsaih dawn tih sawiin, India ramah hetiang lam event lian ber tur a nih thu a sawi.

Festival-ah hian ram chhung leh ram pawn aṭangin sawm bik tam tak an awm dawn a, hna thawh tur tam tak a siam dawn bawk a ni, a ti. He festival neih chhunga Delhi tlawh tumte tana special package siam turin hotel leh airline-te pawh sorkarin inbiakna a neihpui mek, tiin Kejriwal chuan a sawi bawk.

"India rama shopping festival lian ber a ni dawn a, khawvel huap pawh a lian ber ni chho turin kan la siam zel dawn a ni. Hemi chhung hian thil hrang hrang man nasa taka tihtlawm a ni ang," a ti.

Festival pual hian special opening leh closing ceremony-te siamin, festival chhimtute tan concert 200 vel buatsaih tum a ni bawk. International restaurant leh national restaurant-te telna tur special food walk pawh siam a ni dawn bawk a ni.