Ramchhunga khawpui fai berah Indore thlang
Urban Development Minister Venkaiah Naidu chuan nimin khan khawpui fai lawmman, Swachh Survekshan Awards dawngtu tur a puang a, Indore chu khawpui fai berah thlan a ni.
Swachh survey hi khawpui 434-ah neih a ni a, nikuma lawmman pakhatna dawngtu Karnataka-a Mysuru khawpui khumin, Madhya Pradesh-a Indore khawpui chu fai berah thlan a ni. MP state ami vek, Bhopal chu pahnihna niin Vishakhapatnam leh Surat khawpuiten an dawt. Mysuru khawpui chu panga-naah a tlahniam. Hetihlai hian khawpui enfiah zinga hian Uttar Pradesh-a Gonda khua chu khawpui bal berah thlan a ni thung.