Jharkhand-ah ralthuam an man

Security force-te'n Jharkhand-a Loharaga district-a Naxal hel laka beihpui an thlaknaah silai leh a mu eng emaw zat an man.

Official chuan Naxal hel lakah CRPF leh state police-te chuan joint operation an nei tih sawiin, helpawl bihrukna hmun aṭangin light machine gun (LMG), semi-automatic US made rifle, AK 47, self loading rifle (SLR), INSAS rifle pathum, silai dang paruk leh inbiakpawhna hmanrua te an man a, silai chi hrang hrang mu 3,000 chuang an man tel bawk.