Rahul Gandhi-a’n PM ni turin theihna a nei : Amarinder Singh

Punjab Chief Minister, Captain Amarinder Singh chuan Congress vice president Rahul Gandhi-a’n India Prime Minister ni turin theihna a nei a ni a ti a, party chhunga hruaitu dinhmun pawh ṭhangthar zawkte kuta hlan a hun tawh niin a sawi bawk.

Amarinder Singh chuan AICC vice president chu thil thlir thiam leh rel fel thiam tak nia a ngaih thu a sawi. Singh chuan Gandhi-a sawinep tumna chi hrang hrang awmin na taka beih a tawk thin a, mahse India ram PM ni tur hian theihna a nei a ni, a ti. Ramchhunga ṭhalaite beiseina neihte ngaihven a, kaihruai turin party chhunga hruaitu dinhmun luah chu ṭhangthar kuta dah a hun tawh hle nia a ngaih thu a sawi bawk.