July 16-ah Delhi thleng vek turin BJP MP-te hriattir

9th July, 2022

BJP chuan an party MP zawng zawngte chu President thar thlan hma ni hnihah Delhi-a awm hman vek turin a hriattir.

India President thar tur hi July 18-ah thlan a ni dawn a, hei vang hian July 16-ah Delhi thleng vek turin a hriattir a ni. Inthlan hma ni hnih chhung hian party chuan President thlanna neih tura vote thlak dan turah MP-te hi training-te a neihpui dawn a ni.

BJP national president JP Nadda chuan July 16 hian party MP-te hi zanriah a buatsaih sak ang.

BJP kaihhruai National Democratic Alliance (NDA) hian President candidate-ah Droupadi Murmu a ruat a, NDA hnuaia party-te bakah eptu party ṭhenkhat pawhin Murmu hi an thlawp dawn tih an sawi. Eptu party joint candidate atan Yashwant Sinha ruat a ni bawk.