Khaw chhiat vangin Amarnath Yatra titawp lailawk

Amarnath Yatra neih mek chu khaw chhiat avangin Jammu lam aṭanga kal turte tan tihtawp rih a ni.

Official-te chuan Jammu lam aṭanga Kashmir chhim lama metre 3,880-a sang cave shrine pan tumte an kal tir tawh rih lo tih an sawi. "Amarnath Yatra chu Jammu lam aṭanga base camp pan tumte tan khua a la chhiat chhunzawm zel avangin tihtawp rih a ni," tiin an tarlang.

Zirptawpni liam ta khan cave shrine bula tuilian bawhawk thleng vangin mi 16 an thi a, chin hriat lohin mi 40 vel an la awm mek bawk. Mi 15,000 chu hmun him lamah hruai chhuah an ni bawk. Hliam tuarte chu helicopter hmangin Baltal lamah phurh an ni. Chhanchhuah hna hi NDRF team bakah Indian Army, SDRF, CRPF leh midangten an thawk a ni.

Ni 43 awh tur Amarnath Yatra hi base camp pahnih - Kashmir chhim lam Anantnag-a Nunwan-Pahalgam leh, central Kashmir-a Ganderbal-a Baltal aṭangin June 30 aṭang khan neih ṭan a ni. Mi nuai khat chuang chuan cave shrine hi an tlawh tawh a, August 11-ah yatra hi a tawp ang.