Khawvela rail bridge sang ber J&K ah siam mek

Jammu and Kashmir-ah khawvela rail bridge sang ber tur siam mek a ni.

He lei hi Chenab lui chungah dawh a ni a, Finland leh Germany consultant-te design niin, Chenab lui aṭang mter 359-a sanga siam a ni a, Eiffel Tower aiin meter 35 in a sang zawk dawn a ni. Lei sei zawng hi km 1.315 a ni.

Lei dawhna hmun hi lirnghin duhna hmun, seismic zone leh ramri bul a nih avangin a siam hna pawh an uluk hle a, DRDO chuan lei thuamna atan hian cheng vaibelchhe 12,000 a ruahman a ni. Lei hi chung lamaṭanga vengtu tur dah a ni ang a, online monitoring leh warning system pawh khualzinte leh rel himna turin dah a ni bawk ang. Kawng sirah hian footpath leh cycle kawng dah tel a ni dawn bawk a ni.

Lei dawh hna hi mi 1,400 in an thawk mek a, kum 2019 March thlaah zawhfel hman beisei a ni a, lei siamna atan hian steel ton 24,000 chuang hman a ni ang.