Central Railway-in rel station-ah EMR dah

Central Railway (CR) chuan station panga-ah rel chetsual palha hliam tuar leh damlo dangte a hun taka enkawl an nih theihna turin Emergency Medical Room (EMR) a dah a, darkar 24 chhung hawn a ni ang.

Rail activist Samir Zaveri chuan March thla khan rel kawnga chetsualna a thlenin hliam tuarte enkawlna ṭha pek mai a ni ṭhin lo tih sawiin, Bombay High Court-ah PIL a thehlut a, a petition hi court hian ngaihtuhin Railways hnenah hian Central leh Western Line-a station tinah ERM hi dah turin a ti a ni.

CR-in ERM panga a siam hi Mumbai-a medical firm Magicdil Health For All Pvt Ltd nen an thawkdun dawn a ni. ERM tinah hian paramedic leh MBBS doctor 3-4 dah vek an ni ang a, anni hian damlo leh hliam tuarte an enkawl dawn a, inentir manah hian Re.1 an la ang. Rel chetsualna vanga hliam tuar enkawlte chu a thlawna enkawl an ni ang a, inentir pang­ngaite erawh chuan an damdawi man an intum a ngai thung ang. ERM tinah hian damdawi bakah ECG khawl, Ambu bag, Pulse-Oxymeter, Oxygen cylinder-te dah a ni bawk ang.