Court thupek zah loah Vijay Mallya puh a ni

Supreme Court chuan sumdawng lian, Vijaya Mally chu a fate account-a maktaduai 40 a transfer chungchangah court thupek zah loah a puh a, July 10-a court-a inlan turin a ko.

SC hian State Bank of India kaihhruaia bank intelkhawmten Vijay Mallya laka petition an thehluh a ngaihtuah a, nimin khan thupek hi a tichhuak a ni.

Kum 61 mi, Vijay Mallya hian bank hrang hrangah loan ba cheng vaibelchhe 9,000 chuang a nei mek a, bank-te hi Supreme Court-a an zualko hnuah India ram chhuahsanin London-ah a khawsa zui a ni. A thubuai hmachhawn tura India rama kir tura koh ni fo mah se a rawn kir duh lo a, hemi hnu hian sorkar chuan British thuneitute hnenah India rama rawn thawn turin a ngen a ni.

Thla hmasa khan India-in a ngen angin Scotland Yard-te chuan Mallya hi an man a, court-ah hruai a nih hnuin bail-a chhuah tir leh nghal a ni.