ICJ-in Pakistan court thupek stay sak

Pakistan military court-in India navy officer hlui, Kulbushan Jadhav thi tura a chungthu a lo relsak chu International Court of Justice chuan a ‘stay’ sak.

Navy officer hlui, Kulbushan Jadhav hi Pakistan chuan India ram tana enthlatuah puhin nikum khan Balochistan province-ah a man a, thla hmasa khan military court chuan kum 46 mi hi thiam loh chantirin thi turin a chungthu a relsak a ni.

India chuan Pakistan thusawi hi pawm loin, navy officer hlui hi a sumdawnna hmun Iran aṭangin rukbo a ni tih a sawi. Thi tura a chungthu relsak a nih hnu hian International Court-ah appealin, Pakistan chuan Vienna Convention a palzut a ni tiin, Jadhav tihhlum tur hi dansak turin a ngen.

ICJ-in Pakistan court thupek a dansak chungchang hi Kulbhushan Jadav-a nu pawh hriattir tawh niin, External Affairs Minister Sushma Swaraj-i chuan a sawi. Swaraj-i chuan ICJ-ah hian Jadhav tan hian senior advocate Harish Salve a ding tih a sawi bawk. ICJ chuan Jadhav chungchang hi May 15 hian a ngaihtuah leh dawn a, hetihlai hian a thupek hi Pakistan hian a zawm dawn em tih hriat a la ni lo.