Gujarat-ah heroin Rs vbc 350 chuang hu man a ni

Gujarat anti-terrorist squad chuan Kutch district-a Mundra port bulah ruihhlo, heroin kg 70 dawn an man a, an ruihhlo man hi international market-ah Rs vbc 350 chuang man a tling.

Official chuan ruihhlo hi a dang zawn chhunzawm zel a la ni a, an la man belh pawh a rinawm niin nimin khan a sawi.

ATS hian thu an dawn bawh zuiin, lawng aṭanga bungraw phurhluh chu an enfiah a ni. Ruihhlo an manna bawm hi lawng chawlhna hmun pawn lama freigh station-ah dah a ni.

Tun hnaiah state leh central agency hrang hrangte chuan ram dang aṭanga Gujarat lawngchawlh hmun rawn phurhluh bawm aṭangin ruihhlo hi an man fo a ni. Nikum September thla khan Directorate of Revenue Intelligence (DRI) chuan Munda port-ah hian bawm pahnihah heroin kg 3,000 dawn an lo man tawh a, hei hi Afghanistan aṭanga phurh luh nia sawi a ni a, international market-ah Rs vbc 21,000 man a tling pha.