Police-te’n Justice Karnan zawng hmu zo lo

Supreme Court-in court rorelna zah loa puha thla ruk chhung jail tang tura a hrem, Calcutta High Court judge, Justice CS Karnan chu police-te’n an zawng hmu zo lo.

Thawhlehni khan court chuan thupek hi tichhuakin Justice Karnan pawh hi man nghal turin a ti a ni. Court thupek tihchhuah hma, Thawhlehni zing kan Kanan hi Chennai-ah a zin. Court-in man nghal tura a tih avangin Kolkata police team chu Chennai an pan nghal a, mahse Karnan hi an hmu zo lo.

Justice Karnan hian Nilaini khan a thlenna state guest house a chhuahsan a, a bill pawh a tifel lo nia sawi a ni. Chennai aṭang hian Andhra Pradesh-a Srikalahasti-a temple tlawh turin a kal dawn tih a sawi a, mahse a kal ngei em tih erawh finfiah a ni lo. Bengal Police-te hian Karnan zawng hian Chennai-a hmun eng emaw zat an dap a, Andrha Pradesh-Tamil Nadu border thlengin an zawng zui a, mahse an hmu zo lo a ni. Nimin thleng khan Justice Karnan awmna chin tak hi hriat ala ni lo a, Nepal emaw Bangladesh-ah a emaw a awm rin a ni.

Amah hretute chuan Karnan hian President Pranab Mukherjee hmuh a duh niin an sawi a, report ṭhenkhat chuan Supreme Cour thupek hi khin let a tum niin an sawi bawk.

Kum 61 mi, Justice Karnan hi Supreme Court-in jail tang tura judge a hrem hmasak ber a ni.