Inneih lawmna hall bang chimah mi 26 an thi

Rajasthan-a Bharatpur-a inneih lawmna hall bang chu a chim avangin mi 26 an thi a, mi dang 28-in hliam an tuar. Thi zingah hian naupang pali an tel.

Nilani zan khan Bharatpur-a thlipui tleh chuan inneih lawmna hall leh a bula buk an siam chu a lenchhia a ni. Hliam tuar zingh hian mi 15 chu an ngaihtuahawm hle nia sawi a ni. Bang chim hi feet 90 dawna sei leh feet 12-13 a sang a ni a, bang awmna bulah hian food stall pawh siam a ni.

He chhiatna thleng vang hian hall neitu lakah thubuai ziahluh a nih thu police-te chuan an sawi.

Police-te chuan Bharatpur-a inneih lawmna hall leh huante chu a him tawk em tih enfiah vek an ni dawn tih an sawi.

Chief Minister Vasundhara Raje chuan thi chhungte leh hliam tuarte a tawrhpui thu sawiin, hliam tuarte chu ṭha taka enkawl turin thuneitute a hrilh.