National Animal-ah bawng puang turin phut

Jamiat Ulema-i- Hind president Maulana Syed Arshad Madani chuan bawng humhalhtu inti ten pawikhawihna an thlen avanga mipuite rilrua hlauhna awm ṭhinte chu ngaihven a ngai tih sawiin, sorkar laipui hnenah bawng chu national animal atana puang turin a phut. National animal-a puan a nih chuan an thlawp tur thu a sawi bawk.

Madani chuan ram chhunga bawng humhalhtu intite chuan pawikhawihna an thlen fo tih a sawi a, “Heng mite hian mi rawkin an that a, sakhaw hming an tihchhia a ni. Hindu sakhua hi kan zah a, mahse mi tumahin an mahni thuin dan leh thupek an kengkawh tur a ni lo” a ti.

Sorkar laipui chu bawng humhalhna dan siam law law turin a phut a, dan hi siam a nih chuan mipuite nun pawh a him phah dawn niin a sawi bawk.