SC-in Aadhaar chungchang ngaihtuah dawn

Supreme Court Chief Justice JS Khehar kaihhruai, judge panga awmna Constitution bench chuan sorkar laipui scheme hrang hranga hamṭhatna dawng tura Aadhar Card neih tel kher a ngai nia sawi chungchanga petition thehlutte chu May 17 khian an ngaihtuah dawn.

Petition thehluttu zinga pakhat, National Commission for Protection of Child Rights (NCPCR) chairperson hlui, Shanta Sinha chuan Supreme Court-in Aadhar neih tel ngei ngei a ngai kher lo tia thupek a siam chungin, sorkar laipui chuan scheme hrang hrang, scholarship, Right to Food leh school-a mid-day meal dawng thei turin neih tel ngai tiin a sawi thung a ni, a ti.

Supreme Court hia a hmain thupekte lo tichhuak tawhin, sorkar leh agency hrang hrangte chu welfare scheme dawngtu tur atan Aadhaar card neih tel kher ngai lo turin alo ti tawh a ni. Hemi rual hia LPG subsidy, Jan Dan scheme leh Public Distribution System atante chuan Aadhaar card hmuh tel kher a phalsak thung.