Delhi-ah community transmission a la thleng lo : Amit Shah

Union home minister Amit Shah chuan Covid-19 hri leng mek chu Delhi khawpuia mipuia inkaidarh, community transmission stage a la thleng lo tih a sawi. 

News agency ANI-in a kawmnaah, Amit Shah chuan deputy chief minister Manish Sisodia-a'n hri leng pun chak dan enin July thla tawpah Delhi-ah hri kai chu nuai 5.5 an tling thei ang tia a sawi chuan mipuite a tithlabarin a tichiai  mai mai zawk a ni, a ti. Deputy CM thusawi chu a pawmpui lo tih sawiin, July 31-ah Delhi-a hri kai zat chu nuai  5.5 an tling dawn lo tih chiang takin ka sawi ngam a ni, tiin Amit Shah chuan a sawi. 

Delhi-ah hian hri kai hi nimin thleng khan mi 80,000 chuang an awm tawh a, darkar 24 chhungin hri kai thar hi 2,948 an awm a ni. He hri vanga thi hi mi 2,558 an awm tawh bawk.