Jharkhand-ah Naxal ho ralthuam man

Central Reserve Police Force leh Jharkhand police-te chuan Inrinni zan khan Lohardanga forest area-a Naxal helho ralthuam dahna hmun hmuchhuakin tam tham tak an man.

CRPF thuchhuah chuan ralthuam an mante hi silai chi hrang hrang mu 1010, detonator 5100, cordex wire - feet 21,600 leh puak thei chi kg 200 vel niin a tarlang.

Security force-te hian Jharkhand state-ah hian Naxal hel lakah beihpui an thlan mek a, silai leh a mu tam tham tak an man tawh a ni. Tunhnaiah Naxal hel pawh hi eng emaw zat chu sipaite kutah an lo inpe tawh bawk a ni.

Nimin khan Chhatigarh district-a Bijapur district-ah Naxal hel leh police te inkapin, police pahnihin hliam an tuar. Indian Air Force chuan an thlawhtheihnain hliam tuarte hi Raipur-a Ramakrishna hospital-ah an phur nghal a ni.

Chhatisgarh-a Sukma district-ah hian Naxal helhoin CRPF patrol chu ambush-in sipai 25 an lo kaphlum tawh a ni. Hemi hnu han security force-te chuan helho lakah hian beihpui an thlak zui nghal a ni.