Gujarat-a ruahsur vanga chhiatna thlengah mi 83 thi tawh

Gujarat state-ah tun hnaia ruahsur nasa avanga chhiatna thlengah mi 83 an thi tawh a, state chhung hmun tam takah harsatna an tawk mek.

Ruahsur nasa avang hian mi 31,000 chu sawnchhuah an ni a, mi 500 chuang chhanchhuah an ni bawk. National Disaster Response Force (NDRF) team platoon 18-te chuan harsatna tawkte chhanchhuah leh chhawmdawl hna an thawk.

Navsari, Valsad, Dang, Narmada, Chhota Udepur leh Panchmahal district-te chu chhiatna thlen zualna bial an ni a, Kutch, Navsari leh Dang-ah state highway-te khar a ni bawk. IMD chuan July 16 thleng ruah hi nasa takin a la sur zawm dawn a, district eng emaw zat chu tuilian tuar mai theiah an awm tih a sawi.

Chief minister Bhupendra Patel chuan Thawhlehni khan Navsari district tlawhin, ruahsur in chhiatna a thlen dante enin, official-te meeting a neihpui bawk.

Prime minister Narendra Modi leh union home minister Amit Shah-te chuan Gujarat-in harsatna a tawh mekah sorkar laipui chuan a theih ang anga puih zel a tum thu an sawi.