PM Modi-a'n BJP MP zawng zawng zanriah eipui dawn

President thar thlanna tura inbuatsaihna kal zelah, BJP MP zawng zawng chu Inrinni hian prime minister Narendra Modi hoa zanriah ei turin sawm vek an ni tih BJP president JP Nadda leh union home minister Amit Shah-ten an sawi.

BJP MP-te hi Inrinni zan dar 6.30-ah Parliament auditorium-a meeting-a tel vek tura ngen an ni a, meeting-ah hian vote thlak dante inhrilhfiah a ni ang. A tuk, Pathianniaah BJP kaihhruai National Democratic Alliance (NDA)-a tel party MP leh minister zawng zawngte chuan meeting an nei leh dawn bawk a ni.

NDA hian Odisha state-a mi, Adivasi hnam hmeichhia, Draupadi Murmu chu President candidate atan a ruat a, NDA-a tel lo, eptu party ṭhenkhat pawhin Murmu hi an thlawp dawn tih an sawi. Thlan tlin a nih chuan Murmu hi tribal hmeichhe zinga India President ni thei hmasa ber a ni ang.