UP Assemby session-ah member-te inaubuai

Uttar Pradesh-a Chief Minister Yogi Adityanath kaihhruai sorkar a din hnuah nimin khan Legislative Assembly session hmasa ber neih a ni a, assembly ṭan ni hian eptu MLA-te chuan an Governor thusawi lai an lo aubuai a ni.

Eptu party, Samajwadi Party leh BSP MLA-te chuan session ṭan aṭangin an state chhungah dan leh thupek dinhmun a tlakchhiat thu sawiin, sorkar laka an lungawi lohna thute an aupui nghal a ni. Eptu member-te hi House laiah chhuak khawmin bengchheng an siam zui bawk. Governor hian eptuten bengchheng an siam chungin thu hi a sawi zawm tho a ni.

Nimina rorel inkhawmah hian Chief Minister Adityanath pawh a tel. A ṭum khatna atana assembly session neih hi national broadcaster Doordarshan chua live-in a pe chhuak a ni.

Eptu member-te hian whistle te hamin, podium chu paper in an vawm bawk.

UP 17th legislative assembly-ah hian GST bill ngaihtuah a ni dawn a, he bill hi Parliament-in a pass tawh mah se, state assembly-te chuan an pass ve leh a ngai a, state eng emaw zatin an pass tawh a ni.