Haryana zirlai hmeichhiaten chaw ngheiin nawrh huaihawt

Haryana state-a Rewari khua Government High School Gothra Tappa Dahina zirlai hmeichhiate chuan an school chu senior secondary-a hlankai phutin chaw ngheia nawrh an huaihawt.

Zirlai hmeichhia 86-te chuan nawrh hi huaihawtin, ni hnih chaw an nghei hnuah Hayrana sorkar chuan 2017-2018 session aṭanga Government Senior Secondary School level-a hlankai a remtih tak avangin nimin khan nawrh hi an titawp a ni.

Zirlai hmeichhiate hian an khuaah secondary school a awm loh vangin khaw ṭhenawmah an kal a ngai a, hei hi hmeichhiate tan a him lo hle niin an sawi.