VK Singh-a’n Hurriyat-te firfiak pawla puan duh

Union Mini’ster General VK Singh chuan Jammu and Kashmir-a inlakhran duhtu pawl, Hurriyat Conference chu firfiak pawla puan a duh thu sawiin, inlakhran duhtu pawl hruaitu Naeem Khan leh Bitta Karate-te chu Public Safety Act of Jammu and Kashmir hnuaiah jail-ah khung nghal a duh tih a sawi.

General Singh chuan Hurriyat Conference hotu Syed Ali Shah Geelani chu house arrest-a hren a nih laiin, nuamsa takin a chhungte bula awm tir tur a ni lo, a ti bawk. Hurriyat hruaitute chu firfiaka chetnaa inhnamhnawihah puhin, central jail-ah tantir vek tura a duh thu a sawi bawk.

Minister hian heng thu hi India Today-in an kawmnaah a sawi chhuak. India Today hian special investigation an tihna report tichhuakin, hetah hian Hurriyat Provincial President Naeem Khan-a’n Kashmir Valley-a pawikhawihna leh tual­chhung buaina chawk chhuak tura Pakistan-in sum lama a puih thu a sawina, camera-a an lo lakfuh chu a tichhuak a ni. Inlakhran duhtu pawl hotu eng emaw zatin Pakistan lam aṭanga ṭanpuina an dawn thu an sawite pawh lakfuh a ni bawk.