Nupur Sharma sawiseltu Ajmer Dargah cleric man a ni

Prophet Muhammad chungchanga mawi lo taka a sawi avanga ram puma inhnialna leh buaina chhuah phahna, BJP spokesperson hlui Nupur Sharma duh lohna thu sawitu, Ajmer Dargah cleric Guahar Chishti chu Ningani kha Hyderabad, Telangana-ah man a ni.

Ajmer additional SP, Vikas Sangwan chuan June 17-a Dargah pawn lama Nupur Sharma sawichhia a, a lu tansaktu hnenah lawmman a pek tur thu sawitu, Gauhar Chishti hi Hyderabad police-ten an man a, Hyderabad aṭangin Jaipur lamah hruai nghal a nih thu a sawi. Heta aṭang hian thubuai an neihna, Ajmer lam panpui leh a ni ang.

A thusawi avang hian June 25 khan Dargah police station-ah Chishti lakah thubuai hi ziahluh a ni.