Sri Lanka chungchangah all party meeting ko

Sorkar laipui chuan ṭhenawm ram, Sri Lanka-in harsatna a tawh mek chungchangah naktuk hian all-party meeting a ko. Meeting-ah hian union minister Nirmala Sitharaman leh S Jaishankar bakah, parliamentary affairs minister Pralhad Johshi-ten thu an sawi ang.

Nimin khan Parliament Monsoon Session neih tur pualin all party meeting hi koh a ni bawk a, he hunah hian session neih hunah eptuten sawiho tura an chhawpchhuah duhte an tarlang. Meeting-ah hian Tamil Nadu party, DMK leh AIADMK chuan Sri Lanka buaina tawh mek chungchang hi an sawichhuak a, Tamil mi tam tak chenna ram a nih avangin India sorkar chu inrawlh tura an duh thu an sawi.

Sri Lanka ram economy tlakchhiat avanga harsatna an tawh mekah, India hian fuel leh ei leh in turte pawh a lo pe tawh a ni. Kar liam ta khan Jaishankar chuan Sri Lanka tan USD tld 3.8 pek a nih tur thu hi a sawi a, hei bakah loneitute puihna turin urea metric ton 44,000 pawh a lo pe tawh bawk.

Parliament Monsoon session hi vawiin aṭangin neih ṭan a ni dawn a, August 12 thleng a awh ang.