Maha sorkarin Aurangabad leh Osmanabad khaw hming thlakna tur pawm

Maharashtra chief minister Eknath Shinde kaihhruai sorkar chuan an state-a khawpui pahnih, Aurangabad leh Osmanabad-te hming thlakna tur chu Inrinni khan a pawm.

Aurangabad khawpui hi Chhatrapati Sambhajinagar leh, Osmanabad hi Dharashiv tia thlak an ni ang.

Chief minister hlui, Shiv Sena hruaitu Uddhav Thackeray kaihhruai sorkar khan Aurangabad khaw hming hi Chhatrapati tia thlak turin thutlukna a lo siam tawh a, mahse Shinde kaihhruai hian Sambhajinagar tih hi a belh leh a ni. Maharashtra sorkar tharah hian minister lakluh an la ni loh avangin, cabinet member hi CM Shinde leh deputy CM Devendra Fadnavis-te chauh an la ni.

Thackeray-a lamṭangte chuan khawpui hming thlakna tura an rawtna lo siam tawh chu state Legislative Assembly-ah member tam zawkin an pawm a, hei vang hian Shinde kaihhruai sokar hian a tihdanglam ngawt theih a ni lo tih an sawi.

Cabinet hian Navi Mumbai International Airpot hming, loneitu pawl hruaitu DB Patil hming chawia thlak rawtna pawh a pawm bawk.