Rajiv Gandhi zahna hlan

Nimin kha Prime Minister hlui Rajiv Gandhi thih champha vawi 26-na a ni a, he ni pual hian a nupui, Congress President Sonia Gandhi leh a fate pahnih, Rahul Gandhi leh Priyanka Gandhi Vadra-te chuan a thlan, ‘Vri Bhumi’ ah zahna pangpar an dah.

Rahul Gandhi chuan a twitter-ah a pa an hriatreng thu hi ziakin, a pa chu hruaitu ṭha tak, hmangaina leh lainatna ngah tak, mi thilphal tak a nih thu a sawi a, an ngai hle tih a sawi.

Rajiv Gandhi hi kum 1991, May 21 khan Tamil Nadu-a Sriperumbudur-a election rally neihna hmun a, Liberation Tigers of Tamil Eelam (LTTE) helte thihchilh bomb tihpuahah a thi a ni. Rajiv Gandhi hi kum 1984, October 31 aṭanga December 2, 1989 chhung khan Prime Minister a ni.