J&K-ah rally huaihawt tum vangin punkhawm khap

Jammu and Kashmir-a inlakhran duhtuten kawngzawh huaihawt an tum avangin state sorkar chuan nimin khan Srinagar bialah punkhawm a khap.

Police-te chuan khuahkhirhna dan hmanna hi Srinagar-a police station panga huamchhungah a nih thu sawiin, Nowhatta, M.R.Gunj, Khanyar, Rainawari leh Safa Kadal-te a huam tih an sawi. Buaina chhuak thei venthawn thilah khuahkhirhna dan hi hman a nih thu an sawi bawk.

India aṭanga inlakkhran duhtu pawlte chuan nimin khan Sringar-a Eidgah ground-ah rally huaihawt hi an rel a, hei hi mi tu tih hriatlohte kut tuara thi an pawl hruaitu pahnih, Mirwaiz Maulana Muhammad Farooq leh Abdu Gani Lone-te hriatrengna puala ti an ni.

Mirwaiz hi kum 1990, May 21 khan silai kengten Nigeen-a a chenna-inah an kaphlum a, Lone hi kum 2002 khan Eidgah ground-ah kahhlum a ni bawk.