Pre-packed leh labelled food-a GST lak Delhi CM-in sût turin sorkar laipui a phût

Delhi chief minister Arvind Kejriwal chuan sorkar laipuiin pre-packed leh labelled food item-a Goods and Services Tax (GST) lak a tum chu sût turin a phût.

Arvind Kejirwal chuan, " Ram pumah mipuiten thil man san chak avangin phurrit an phur mek a, sorkar laipuiin food item-ah chhiah, GST a lak dawn avangin a man pawh a san belh leh a ni. He thutlukna hi sut leh turin ka phût a ni," a ti.

Nimin aṭang khan sorkar laipui chuan pre-packed leh food item, kg 25 chin leh a hnuai lamah GST 5% a la ṭan a ni. Kg 25 chunglamah erawh GST lak a ni lo thung. GST lak tharna tur zingah hian cereal, curd, be lam chi leh maida-te an tel. Heng bakah hian choka lam hmanrua, chem, fian, fork, fianpui, fian-awng chia GST lak pawh 12% aṭangin 15% ah tihsan a ni bawk.

Centrifugal pumps, deep tube-well turbine pumps, submersible pumps, bicycle pumps bakah, LeD lamps, lights and fixture, metal printed circuit board-a GST chu 12% aṭangin 18% ah tihsan a ni bawk. Solar water heater-ah GST 5% lak ṭhin chu 12% ah tihpun a ni bawk a ni.