SC-in Covid compensation tikhawtlai loa pe turin state-te a hrilh

Supreme Court chuan nimin khan state leh Union Territory sorkarte chu Covid-19 vanga thi chhungte hnena zángnadawmna pek chu tikhawtlai loin an chhungte hnenah pe nghal zel turin a hrilh.

Justice MR Shah leh BV Nagaratha awmna bench chuan, Covid compensation pek la ni lo emaw, compensation an dilna hnawlsakte chuan grievance redressal committee lamah an thlen thei ang tih an sawi. Grievance redressal committee chuan an hnena dilna thehluh chu kar li chhungin an chingfel hman tur a ni, an ti bawk.