Eptu Vice President candidate-in nomination paper thehlut

Vice President thlan tura eptu party-te joint candidate, Congress party hruaitu hlun Margaret Alva chuan nimin khan nomination paper a thehlut.

Margaret Alva hi Congress hruaitu Rahul Gandhi, NCP hruaitu Sharad Pawar, CPM hotu Sitaram Yechury leh CPI hruaitu D Raja-ten an ṭawiawm.

Kum 80 mi, Alva chuan eptu party hrang hrangten Vice President candidate atana an thlang chu lawmawm a tih thu sawiin, ram chhung hmun hrang hrang ami, ṭawng hrang, sakhua leh nunphung pawh in ang lo tak tak an ni a, mahse mi chi hrang hrang an nihna leh an inlungrualna chu an chakna a ni thung niin a sawi. India ram tan leh ram danpui humhimna turin an bei zel dawn tih a sawi a ni.

Rorellai, BJP kaihhruai National Democratic Alliance (NDA) candidate Jagdeep Dhankar chuan Thawhṭanni khan nomination paper hi a lo thehlut tawh bawk a, ani pawh hi prime minister Narendra Modi leh BJP president JP Nadda bakah union minister-ten an ṭawimawn a ni.

Vice President hi August 6-ah thlan a ni dawn a, August 10-ah vice president ni lai M Venkaiah Naidu term hi tawpin, a thlaktu tur hi August 11-ah lakluh a ni ang.